• سن یاریمن قاصدیسن ایلن سنه چای دمیشم

  • خیالینی گوندریبدیر بسکی من آخ وای دمیشم

  • آخی گجلر یاتمامشام من سنه لای لای دمیشم

  •  سن یاتالی من گوزومه اولدوزلاری سای دمیشم

  • هرکس سنه اولدوز دیه اوزوم سنه آی دمیشم

  • سنن سورا حیات من شیرین دسه زای دمیشم

  • هر گوزل دن بیر گول آلب سن گوزل تای دمیشم

  • سنین گون تک باتماغوی آی باتانا تای دمیشم

  • ایندی یایا قش دییرم سابق قشا یای دمیشم

  • گاه تویووی یاد سالب من دلی نای نای دمیشم

  • سونرا گینه یاس باتب آغلاری های های دمیشم

  • عمر سورن من قاراگون آخ دمیشم وای دمیشم